An Egyptian living in Europe but her heart stayed back home. Having some random thoughts about the before and after pictures. Ghawayesh means bracelets. In my context it symbolizes the cuffs of my culture. I don't know if I like them or hate them. Thanks for passing by.

About Me

My photo
I started this blog in 2006 as a joke. Now that I look back, I have decided to take it seriously!

29 April 2009

Save Miss Piggy انقذوا ميس بيجي


يا حكومة ياحكومة اعمل فيكم ايه بس؟

انتم ما صدقتم تطلعوا عقدكم الدينية على الخنازير الأبرياء؟

ماصدقتم سمعتم انفلونزا خنازير قلتم لقينا التايهة هيا بنا نفتك بهم؟ !!ا

دورتم في جوجل ياحكومة؟

بيقول لك انها بتنتقل بين البشر هذه المرة - وان الخنازير ليس لهم دور كبير في نقل الفيروس الجديد دا لأنه تحول

يعني زي فيروس الايدز - اصلا كان في القرود بس تحول ودلوقت تنتقل بين البشر

الفيرس تحول خلاص وانتقل للبشر

بالضبط كوجود القرود من عدمه لن يغير شيئا من مسار فيروس الايدز في الانسان

لكن مادامت الخنازير سليمة نعدمهم ليه؟ لأن حرام ناكلها؟ دي حاجة ودي حاجة تانية خالص

ثم الطيور تنقل المرض أسرع بكتير - نقتل كل الطيور كمان؟ ما هذا الهوس بالقتل؟

الخنازير مهمة في النظام البيئي - والا ماكنش ربنا خلقها - واننا نقتلها سنخل به اكتر ما هو مختل -

حرام اكل لحمها للمسلمين آه - لكنها بتاكل الزبالة! دي مخلوقات بتنظف البيئة اللي احنا خربناها وقعدنا على تلها

نقلها خارج التجمعات السكانية فكرة ممتازة - بس ينقلوا معاها حي الزبالين كله لأنهم بيساعدوهم هناك

وللعلم: - توجد لقاحات متوفرة تعطى للخنازير لتمنع انفلونزا الخنزير. ولا يوجد لقاح يحمى البشر منها . وربما يساعد لقاح الانفلونزا الموسمية في تقديم حماية جزئية ضد انفلونزا الخنازير اتش 3 ان 2 لكن لا يوجد لفيروسات اتش 1 ان 1 مثل المتداول حاليا.

- لا تنتقل العدوى للاشخاص من اكل لحم الخنزير او منتجاته. ويقتل طهي لحم الخنزير داخل درجة حرارة 71 درجة مئوية فيروس انفلونزا الخنازير كما هو الحال مع بكتيريا وفيروسات اخرى.

حبايبي الغوغاء من الشعب الهيجان : انتم ما صدقتم؟

الخنازير المقرفة المرعبة المزعجة دي خلقة ربنا! تحريم اكلها لا يبرر ثقافة تحقيرها والتخلص منها

انفلونزا الخنازير الوقاية منها تكون زي الانفلونزا العادية فقط باعتبارنا في مجتمع لا يتعامل مع الخنازير واذا وجدت فهي معزولة في اماكن محددة


امال نعمل ايه؟

اهم حاجة اننا نتجنب تقبيل الناس بالذات اللي ما نعرفهمش كويس. السلام باليد كفاية. بلاش شغل الهوموز بتاعكم دا -بآنفلونزا خنازير أو من غيرها -بطلوا قرف وتلزيق في بعض يامنافقين!ا
ونبعد ايدنا عن وجهنا لان الايد بتكون مليانة ميكروبات وهي اسرع وسيلة لنقلها داخل الجسم عبر الأنف والفم
ولو ممكن يستحسن نتجنب نكون في مكان مغلق مزدحم زي عربة المترو مثلا في ساعة الذروة

ونؤمن المطارات من السياح اللي داخلين بحمى!ا

ازاي بس نقتل كل الخنازير وكل الطيور لنقل ❊بعضهم❊ الانفلونزا ويمكن قريب كل البقر اذا كانوا هم ايضا قد ينقلون لنا جنون البقر؟

اختلال نظام بيئي ما بهذه الطريقة ينذر بنهايته وقد يسبب مجاعة زي اللي حصلت لمصر ايام الامويين على ما افتكر - حيث كان الناس يخطفون من الشوارع ويطبخون ويؤكلون على ايدي اخوانهم البشر

ثم احنا لا بنقرب من الزبالين ولا يحزنون اللهم الا لو بعضنا بيدفع لهم فلوس الخدمة العظيمة اللي بيقدموهالنا - ومع ذلك احنا مصممين نحتقرهم بطريقة غريبة وكآنهم مش بينقذوا حياتنا ومهمين في الحفاظ على صحتنا آكتر من الاطباء

اهم حاجة ان الواحد ما ياخدش الزبال بالحضن وهو جاي ياخد الزبالة ههههه

متفهمة طبعا تحمس البعض لحماية المجتمع بس لازم نعتبر الابعاد البيئية والاجتماعية فيه

دعونا نقارن الموضوع دا بادارة ازمة انفلونزا الطيور: اوروبا لم تقتل الطيور ومسيطرة على الازمة فقط بتوعية الناس - في حين احنا لازلنا يسقط بيننا اموات بانفلونزا الطيور علشان ما حدش عارف حاجة من المزارعين الغلابى


المال لا يشتري ولا يعوض الاختلال البيئي يا حبايبي الغوغاء

ثم السياحة هتجيب المرض اكتر من الخنازير

بنفس المنطق لابد أيضا أن نقتل السياح
التوعية - لا القتل - هم الحل

انا باعرض عليكم رأي علماء وخبراء ادارة الازمات الصحية في الاتحاد الأوروبي

وكل القطع اللي قرأتها من شوية عن اخبار المرض و منع انتشاره - ليس بها أي ذكر لقتل الخنازير

ياحكومة: فيروسات التهاب الكبد الوبائي والتلوث بأدخنة الرصاص وأول أكسيد الكربون هي اللي هتقضي على المصريين - مش عدة آلاف من الخنازير الغلبانة اللي بتاكل زبالتنا وتنقذنا من شرنا

اسمعوا ياحبايبي الغوغاء اخواني المصريين اللي كاسفيني في كل حتة
الخنازير مش خنازير بس زي ما كانوا بيقولوا لكم في حصص الارهاب الفكري - الخنازير حيوانات منتجة ومفيدة للعلم والبيئة!ا

اليكم سبعة أسباب للاعتزاز بالخنازير في حياتنا:ا

١- الخنازير مصدر تغذية ل٣٠٪ من المصريين - لما يموتوا الخنازير ، الناس دول هيعوزوا ياكلوا لحمة فتحصل ازمة في لحم البقر

٢- الخنازير بتاكل الزبالة وتحافظ على التوازن البيئي والا ماكانتش اتوجدت - هي لها دور مهم جدا في الحفاظ على البيئة بدل ما نحرق الزبالة ونموت مخنوقين بآول اكسيد الكربون هم ياكلوها ويعملوا سماد كمان للزرع منها
٣- مزارعين الخنازير هيموتوا من الجوع لان مصدر رزقهم هيتقطع. نصرف عليهم منين؟

٤- الخنازير بيستخرج منها الانسولين لمرضى السكر

٥- صمامات قلب الخنازير بنستعملها لاستبدال صمامات القلب- دي أحسن بديل للصمامات الانسانية التالفة

٦- كتير من المواد الحافظة للأطعمة مشتقة من دهون الخنزير - احنا محتاجين المواد الحافظة دي في الصناعة الخ

٧- الخنازير تستخدم في التجارب المعملية لأنها الأقرب للانسان في تركيبة الحمض النووي


مفاجأة مش كدا؟ آوينك!! ا
دعوا مسآلة تحريم أكل لحومهم جانبا - دا ش معناه اننا نقتلهم والا كان الامر يبقى صريح بقتلهم


وفي النهاية حابة أقول حاجة:ا


معلش مش مصدقة فيلم الرعب بتاع انفلونزا الخنازير دا - مش كفاية كدب وارهاب فكري بقي؟


بقى انا ابقى قاعدة في بيتي في اوروبا ولا مصر مرعوبة يجي لي عدوى من خنزير مكسيكي؟

يااخي أوينك!!ا


http://www.who.int/csr/disease/swineflu/faq/en/index.html

10 April 2009

A Twist in My Sobriety



All God's children need travelling shoes
Drive your problems from here
All good people read good books
Now your conscience is clear

In the morning when I wipe my brow
Wipe the miles away
I like to think I can be so willed
And never do what you say


Look my eyes are just holograms
Look your love has drawn red from my hands
From my hands you know you'll never be
More than twist in my sobriety

We just poked a little empty pie
For the fun that people have at night
Late at night don't need hostility
The timid smile and pause to free

I don't care about their different thoughts
Different thoughts are good for me
Up in arms and chaste and whole
All God's children took their toll

Cup of tea take time to think yeah
Time to risk a life a life a life
Sweet and handsome soft and porky
You pig out 'til you've seen the light
Pig out 'til you've seen the light

Half the people read the papers
Read them good and well
Pretty people nervous people
People have got to sell
News you have to sell

FEEDJIT Live Traffic Feed