An Egyptian living in Europe but her heart stayed back home. Having some random thoughts about the before and after pictures. Ghawayesh means bracelets. In my context it symbolizes the cuffs of my culture. I don't know if I like them or hate them. Thanks for passing by.

About Me

My photo
I started this blog in 2006 as a joke. Now that I look back, I have decided to take it seriously!

11 January 2010

غشاء بكارة عربي .. أبو الأجنبي (خطابي أمام المنظمة الدولية لمحاربة الغباء)٠

أخواني وأخواتي أعضاء حزب المفقوعين من الجهل والغباء،

من أجل الغباء والأغبياء ، نقف هنا وقفة مفقوع واحد ، لنوضح أن شرف البنت على الطريقة العربية يمكن تعويضه بأي طريقة ، حتى من عند دكتور أوتكر٠

بما أن شعبنا الحمان يحب يتقرطس زي عينيه - ومع أن موضوع نزيف غشاء البكارة دا أسطورة كدا زي الغول والعنقاء والخل الوفي (وغشاء البكارة) - إلا أن الصين برده قررت تستغل جهلنا وخيبتنا القوية وتلبسنا الطاسة بمبلغ ٨٥ جنيه . قال لك الصين هتورد لنا غشاء بكارة٠

تخيلوا يا حلوين لو مليون عروسة في السنة اشتروا مليون غشاء صيني ، هتبقى الصين عملت سنويا ٨٥ مليون جنيه من قرطسة السادة أكياس الجوافة الحمشين٠

المضحك المبكي في الأمر أن الصين بتقرطس ليس فقط رجالنا المغفلين ، بل أيضا مستعملات المنتج المفلطح اللوذعي دا - اللي فاكرين نفسهم جابوا الغشاء من ديله . لأن في الأصل أن أغلبية العرائس لا ينزفن مع أول اتصال جنسي ، اللهم إلا اذا كانت العملية الجنسية تمت على طريقة اصطدام أمامي بعربية نقل على الطريق الدائري . يعني النزيف هو الاستثناء لا الأصل!

ولكن بما أنكم يا حلوين متبلمين ومهما قلنا هتشتروه برده ، وبما أنني اكتشفت تقريبا ماهية مكونات الغشاء الصيني أو مكونات مشابهة ، فلقد قررت أن أبيح لكم بسره - سيداتي آنساتي - علشان تعملوه في البيت وتوفروا تعب ومصاريف وإحراج الشراء ، وبكدا كمان تبقوا بتنقذوا الإقتصاد القومي من فقدان ٨٥ مليون جنيه سنويا على .. ولا حاجة ! إشاعة ! خدعة كبرى ! هرطقة ! قرطسة !ا

(ـ(في بحث تم اجراؤه مؤخرا على ٣٦ ضحية اغتصاب عنيف- حوامل- اكتشفوا أن جدار المهبل وغشاء البكارة سليم في ٣٤ منهن!ا

دعكن طبعا من الغلبانات اللي بيروحوا يدفعوا دم قلبهن في عمليات ترقيع هي بالضبط كمثل شراء الهواء في زجاجات٠

ثم يتميز البتاع الذي أقترحه أنا على سيادتكم هنا بأنه آمن تماما للإستعمال و
Eco-friendly٠
أصل ماحدش عارف الصيني دا معمول من ايه . شكله في الصور مشبوه كدا ، فإزاي تحطوه كدا في جسمكم من غير ما تعرفوا ، مش يمكن يكون فيه حاجة بتجيب عقم ولا سرطان يا حبايبي الحلوين ؟


اسألوا أي واحدة مارست الجنس إذا كانت نزفت بعد أول مرة ! إلا اذا كان سبع البرمبة المغوار اترزع بدون إحم ولا دستور أو برأسه مثلا ، ولكن الإتصال الجنسي الطبيعي المحترم لحقوق الإنسان غالبا لا يسبب نزيفا يا حلوين !ا

يعني اللي بتنزف أنهار دي هي اللي المفروض يتشك في أصلها بواهاهاهاهاها ! (ملحوظة مهمة: النزيف الشديد مع الاتصال الجنسي هو علامة مرضية ويجب معها مراجعة الطبيب فورا)ـ

المهم ، إليك سيدتي طريقة عمل غشاء بكارة في البيت. ألف مبروك وبالرفاه والبنين٠


المكونات

-كيس راقات جيلاتين من عند دكتور اوتكر (دكتور أهو!)ا

-أي حاجة لونها أحمر غامق زي درسنج الفراولة مثلا . أو جلسرين يخلط بمربى لونها أحمر غامق - نبيتي يعني

-كوب مياه دافية





خدي راقة جيلاتين من الكيس



سقطيها في المياه وشيليها بسرعة جدا : ڤووم ڤووم على طول

اعملي كدا في كمان واحدة: ڤووم ڤووم





امسكي واحدة على كفك أفقيا هتلاقيها ملزقة كدا ، صبي عليها المحلول الدموي في المنتصف


ثم اكبسي عليها بالراقة التانية
















ضعي البتاعة بسرعة حيث لا تشرق الشمس

ألف مبروك

ملحوظة : لو باظت ولا حد قفشك .. كليها بسرعة واعملي غيرها !!ا

تحياتي وتمنياتي بليلة دخلة دموية . أعمل لكم ايه ما أنتم بشر عجيبة !ا

ملحوظة : جاري اختبار الغشاء من قبل مجموعة من الصديقات المحليات .. سنواليكم بالنتائج أول ما توصل

مراسلتكم من
قناة الحظيرة
في خطررررر

10 comments:

Ice Queer said...

LOL u cracked me up! =D

Ghawayesh said...

منور يا آيس

Mustafa Attiya Ali said...

قوية جداً جداً جداً

Eman Awad said...

lol ضحكتيني جدا بس بردو هتفضل نفس العاده ~ الرجل الشرقي بقي

rhodayna abouheif said...

U r amazing and funny ....loved it <3 brilliant !!!!

عبدالرحمن هاني said...

YOU MADE MY DAY :))
BRILLIANT !

danii hassan said...

Nice idea :) but eh 7asal ma3a el nas eli garbt :D

danii hassan said...

nice :) bs 3andi fdool 23rf eh gara ma3a el nas eli garbt :D

danii hassan said...

فكرة جرئية و مجنونة بجد :)))) ايه جرى مع اللي جرب الطريقة دي يا ترى ؟؟؟

danii hassan said...

< nice >

Blog Archive

Look Who's Here :D